Fréttir og pistlar

Skógarkolefnisreiknir hefur verið opnaður á vef Skógræktarinnar. Þar er hægt að reikna út fyrir fram hversu mikið kolefni er líklegt að ræktaður skógur muni binda næstu hálfa öldina eftir því hvar er borið niður á landinu. Þessi nýja reiknivél er mikilvægt tæki til að meta

Stafafura er ekki ágeng tegund og auðvelt er að hafa hemil á sjálfsáningu hennar. Langtímarannsókn á sjálfsáningu innfluttra trjátegunda bendir ekki til þess að íslenskri náttúru stafi hætta af stafafuru eða öðrum innfluttum trjátegundum. Stafafura er hins vegar mjög góð tegund til að græða upp land og í ljós kemur að birki og stafafura þrífast vel saman.

Hugmynd að lífrænum verðlaunapeningum sem innihalda birkifræ var meðal verkefna sem hljóta styrk úr Hönnunarsjóði á þessu ári. Hugmyndin er sú að gripurinn verði veittur fyrir þátttöku í íþróttamótum barna og unglinga en að móti loknu geti krakkarnir sett hann í jörð og séð birkitré vaxa upp úr moldinni.

Út er komið nýtt tölublað af Riti Mógilsár. Það hefur að geyma skýrslu um ástand ræktaðs skógar á lögbýlinu Óseyri við Stöðvarfjörð og spá um kolefnisbindingu skógarins næstu 70 árin miðað við annars vegar hefðbundnar nytjar og hins vegar engar nytjar. Skógurinn er enn ekki kominn í fullan vöxt. Þegar vöxtur fer í gang fyrir alvöru verður hægt að gera enn traustari spár.

Notendur rafræns dagatals Skógræktarinnar geta nú skipt um skjámynd á tölvum sínum og sett inn dagatal marsmánaðar. Á því er ljósmynd Atla Arnarsonar ljósmyndara af sveppnum stígtubbu.