Fréttir og pistlar

Hinn 25. júní á þessu ári var liðin hálf öld frá því að þeir Rögnvaldur Erlingsson og Hallgrímur Þórarinsson, bændur á Víðivöllum ytri, gróðursettu fyrstu trjáplönturnar í svonefndri Fljótsdalsáætlun. Þessi gróðursetning markaði upphaf bændaskóga á Íslandi sem nú þekja um 21 þúsund hektara og eru um helmingur ræktaðra skóga í landinu. Í þessari grein er tímamótanna minnst með því að rifja upp aðdragandann og skoða afraksturinn.

Birkiskógurinn í landi Mela og Skuggabjarga í Dalsmynni er illa farinn eftir snjóþyngsli og ofviðri síðasta vetrar. Enn standa þó eftir mörg af hæstu birkitrjánum í skóginum sem eru um 14 metrar á hæð.

Staða þekkingar verður rædd á fyrsta vefmálþinginu í fundaröð um jarðveg sem kolefnissarp, sem fram fer fimmtudaginn 26. nóvember. Markmiðið með þessum málþingum er að auka og miðla þekkingu á Norðurlöndunum meðal fagfólks sem áhuga hefur á bindingu kolefnis í jarðvegi.

Til að Íslendingar geti náð verulega góðum árangri á Parísartímabilinu verða stjórnvöld að tryggja nauðsynlega innviði svo skapaðar verði forsendur fyrir einkaframtak í loftslagsmálum. Nú þegar Kyoto-tímabilinu er að ljúka stefnir í að Íslendingar losi 20% meira af koltvísýringi út í andrúmsloftið en 1990, þveröfugt við þann 20% samdrátt sem landið hafði skuldbundið sig til að ná. Við blasir að kaupa þurfi losunarheimildir fyrir milljarða króna því loftslagsskuld Íslands eftir Kyoto-tímabilið verður 4,1 milljón tonn koltvísýringsígilda.

Endurmenntun LbhÍ heldur í samstarfi við Skógræktina námskeiðsröð fyrir fólk sem vill verða leiðbeinendur í tálgun og ferskum viðarnytjum. Námskeiðsröðin hefst í febrúar á næsta ári og stendur fram í desember.