Fréttir

Nýtt verkefni Pokasjóðs sem unnið er í samvinnu við Skógræktina og Landgræðsluna og kallast Nýmörk, felur í sér að gróðursettar verða um 200.000 trjáplöntur á ári næstu fimm árin eða alls um ein milljón plantna. Umsóknarfrestur er til 15. apríl.

Stafafura er stórvaxin trjátegund sem ætti að geta náð að minnsta kosti þrjátíu metra hæð hérlendis. Tegundin hefur ýmsa kosti sem henta sérlega vel fyrir nýskógrækt á Íslandi. Hún auðgar rýrt land og býr í haginn fyrir næstu kynslóðir trjáa en gefur líka verðmæti í formi viðarafurða.

Aaron Shearer, nýráðinn skógræktarráðgjafi Skógræktarinnar sem starfar á Vesturlandi, leiðbeinir um mat á ástandi trjáa og mögulegum hættumerkjum á námskeiði sem haldið verður í Garðyrkjuskólanum á Reykjum í Ölfusi fjórða maí. Skráningu lýkur 30. apríl.

Þemadagur Nordgen verður haldinn í starfstöð Skógræktarinnar á Mógilsá undir Esjuhlíðum 13. apríl 2023. Á dagskránni er fræðsla um skógarplöntuframleiðslu og er öllum heimil þátttaka endurgjaldslaust, á staðnum eða í fjarfundi. Meðal fyrirlesara verður Bjørn Borgan (t.h.), framkvæmdastjóri Alstahaug-trjáplöntustöðvarinnar, í Norður-Noregi. Skráningu lýkur 11. apríl.

Ísafjörður er vettvangur hinnar árlegu Fagráðstefnu skógræktar að þessu sinni. Ráðstefnan fer fram í Edinborgarhúsinu á Ísafirði og hefst með ávarpi fulltrúa ráðuneytisins og skógræktarstjóra klukkan níu í fyrramálið, 29. mars. Streymt verður frá ráðstefnunni.