Ráðstefna um framtíð landbúnaðar á Norðurlandi vestra

19.10.2017

Á Gunnfríðarstöðum á Bakásum í Austur-Húnavatnssýslu er vaxinn upp myndarlegur skógur með ýmsum trjátegundum, til dæmis hraðvaxta ösp sem bæði gefur flettanlegt efni til smíða og iðnvið til stóriðju. Víða á Norðurlandi vestra eru góð skógræktarskilyrði og skógrækt getur stutt vel við aðrar búgreinar á jörðum bænda. Mynd: Pétur Halldórsson.

Skógræktarstjóri ræðir skógrækt sem þátt í fjölbreyttari landbúnaði

Framtíð landbúnaðar á Norðurlandi vestra verður rædd á ráðstefnu sem haldin verður í Félagsheimilinu á Hvammstanga á morgun, föstudaginn 20. október. Meðal frummælenda er Þröstur Eysteinsson skógræktarstjóri og ræðir skógrækt sem þátt í fjölbreyttari landbúnaði.

Samtök sveitarfélaga á Norðurlandi vestra standa fyrir ráðstefnunni sem hefst kl. 13 og lýkur kl. 17. Ráðstefnustjóri verður Gísli Einarsson en Þorgerður Katrín Gunnarsdóttir landbúnaðarráðherra ávarpar ráðstefnugesti. Ráðstefnan er öllum opin og fer skráning fram á netfanginu ssnv@ssnv.is.

Ráðstefna um framtíð landbúnaðar á Norðurlandi vestra föstudaginn 20. október 2017:

13.00 Setning – Stefán Vagn Stefánsson, formaður SSNV

13.10 Ávarp landbúnaðarráðherra – Þorgerður Katrín Gunnarsdóttir

13.50 Fleiri stoðir – Haraldur Benediktsson, 1. þingmaður Norðvesturkjördæmis

14.10 Hvernig er hægt að lifa af yndisarði? – Sigríður Ólafsdóttir bóndi

14.30 Vörusmiðja Biopol, tækifæri til nýsköpunar – Þórhildur María Jónsdóttir verkefnastjóri

14.40 HLÉ

15.00 Skógrækt sem þáttur í fjölbreyttari landbúnaði – Þröstur Eysteinsson skógræktarstjóri

15.20 Getur ferðaþjónustan stutt við hinar dreifðu byggðir á Norðurlandi vestra? – Stefanía Hjördís Leifsdóttir bóndi

15.40 Nýting landgæða – Eggert Kjartansson raforkubóndi

16.00 Atvinna og búseta í dreifbýli – Jóhannes G. Þorsteinsson tölvuleikjahönnuður

16.15 Samantekt og umræður

17.00 Ráðstefnuslit

Til baka í yfirlit