Fagráðstefnu skógræktar frestað fram í október

Fagráðstefna skógræktar 2020 verður haldin á Hótel Geysi í Haukadal 18.-19. mars með þátttöku Nýsköpunarmiðstöðvar Íslands. Afurða- og markaðsmál verða meginviðfangsefni eða þema ráðstefnunnar að þessu sinni undir yfirskriftinni „Grænir sprotar og nýsköpun“. Skráning er nú hafin á vef Skógræktarinnar.

Ráðstefnan er að haldin í samstarfi Skógræktarinnar, Nýsköpunarmiðstöðvar Íslands, Landssamtaka skógareigenda, Landbúnaðarháskóla Íslands, Skógræktarfélags Íslands og Skógfræðingafélags Íslands.

Efni ráðstefnunnar

Erindi tileinkuð afurða- og markaðsmálum verða uppistaðan í dagskránni fyrri daginn en síðari daginn verða flutt erindi um fjölbreytileg efni sem snerta skógrækt og skógfræði- eða skógtæknileg efni. Fjöldi veggspjalda verður til sýnis og sérstök veggspjaldakynning síðari dag ráðstefnunnar. Í skoðunarferð verður meðal annars komið við í Laugarvatnsskógi þar sem er nýtt bálskýli úr íslensku timbri, reist eftir verðlaunatillögu.

Ráðstefnan kolefnisjöfnuð

Tvö tré verða gróðursett í Haukadalsskógi fyrir hvern þátttakanda á ráðstefnunni til að kolefnisjafna ferðalög og önnur umsvif sem af ráðstefnuhaldinu hlýst.

Skráning á ráðstefnuna

Nú er hafin skráning á Fagráðstefnu skógræktar 2020. Skráning fer fram á vef Skógræktarinnar og þar geta þátttakendur greitt ráðstefnugjald og hátíðarkvöldverð. Í ráðstefnugjaldi er innifalinn hádegisverður báða ráðstefnudagana og kaffihressing. Skoðunarferð er einnig innifalin í gjaldinu. Smellið á hlekkinn hér fyrir neðan til að ganga frá skráningu.

Skráning á Fagráðstefnu skógræktar 2020

Gisting og morgunverður

Sérstakt tilboð í gistingu og morgunverð fyrir ráðstefnugesti er í boði á Hótel Geysi. Hafa þarf samband beint við hótelið ef óskað er eftir gistingu og morgunverði. Bent er á vef hótelsins, hotelgeysir.is, og netfangið geysir@geysircenter.is.

 

Dagskrá Fagráðstefnu skógræktar 2020

(með fyrirvara um mögulegar breytingar)

Miðvikudagur 18. mars

Fundarstjóri: Fjalar Sigurðarson

8.30-9.10	Skráning
9.10-9.15	Gestir boðnir velkomnir	Þröstur Eysteinsson skógræktarstjóri
9.15-9.25	Setning ráðstefnu	Guðrún Hafsteinsdóttir, formaður samtaka iðnaðarins
9.25-9.35	Nýsköpun í stóra samhenginu	Sigríður Ingvarsdóttir, Nýsköpunarmiðstöð Íslands
9.40-9.45	Hugmyndasamkeppni um nýtingu skóga og skógarafurða á Íslandi- kynning	Nýsköpunarmiðstöð Íslands og skógargeirinn
9.50-10.00	Stefna í afurða- og markaðsmálum skóga	Björn Bjarndal Jónsson Skógræktinni, Hlynur Gauti Sigurðsson, LSE
9.55-10.05	Nýting viðar í „grænni byggð“	Þórhildur Fjóla Kristjánsdóttir, Grænni byggð
10.05-10.30	Kaffihlé
10.35-10.45	Nýting viðar í „grænni byggð“	Þórhildur Fjóla Kristjánsdóttir, Grænni byggð
10.50-11.05	Nýjar leiðir í nýtingu timburs	Sigurður Ormarsson, Linnéuniversitetet
11.10-11.20	Af hverju eru timburstaðlar mikilvægir?	Eiríkur Þorsteinsson, Trétækniráðgjöf slf.
11.25-11.30	Límtré úr íslensku timbri -  myndband	Logi Unnarson Jónsson, Límtré-Vírneti
11.35-11.45	Hvað getum við höggvið af timbri á Íslandi	Ólafur Eggertsson og Arnór Snorrason
11.50-12.00	Yfirlit um úrvinnslu timburs á Íslandi	Bergrún Þorsteinsdóttir og Sigríður Júlía Brynleifsdóttir, Skógræktinni
12.05-13.00	Hádegisverður

 

Fundarstjóri: Fjalar Sigurðarson

13.00-1310	Framtíðarfræði - möguleg(ar) framtíð(ir)	Nýsköpunarmiðstöð Íslands - Framtíðarsetur Íslands
13.15-13.25	Lífkol, hvað er það?	Tom Fox, Fox Forestry LLC Bandaríkjunum
13.30-13.40	Þróun aðferða við að nota viðarafurðir í fóður og matvæli	Birgir Örn Smárason, Matís
13.45-13.55	Stuðningsumhverfið í nýsköpun	Sigurður Steingrímsson, Nýsköpunarmiðstöð Íslands
14.00-14.10	Byggingarefnið timbur	Ólafur Wallevik, Nýsköpunarmiðstöð Íslands
14.15-14.25	Drónamælingar, samanburður á viðarmagnsspá með dróna og venjulegum mælingum	Sidney frá Alaska og Björn Traustason, Skógræktinni
14.30-14.45	Stutt kaffihlé
14.45-14.55	Á klasahugmyndafræðin erindi við timburmenn Íslands?	Hannes Ottósson, Nýsköpunarmiðstöð Íslands
15.00-15.10	TreProX	Björn Bjarndal Jónsson, Skógræktinni
15.15-15.25	Lúpína Libbio	Nýsköpunarmiðstöð Íslands
15.30-15.40	Áhrif skaðvalda á vöxt nytjatrjáa	Halldór Sverrisson
15.45	Fyrirlestrum lokið, þátttakendur búa sig til ferðar
16.00	Brottför að Laugarvatni
19.00	Fordrykkur og fleira skemmtilegt
20.00	Hátíðarkvöldverður

 

Fimmtudagur 19. mars

Fundarstjóri: Ragnheiður Inga Þórarinsdóttir

9.00-9.15	Skógur, kjarr, sauðfé og svarti dauði	Egill Erlendsson, prófessor HÍ
9.20-9.35	Langtímaáhrif mismunandi áburðar á gróður, kolefni og nitur í jarðvegi sandsvæða	Guðni Þorvaldsson, Hólmgeir Björnsson og Þorsteinn Guðmundsson, LbhÍ
9.40-9.50	Skógrækt á lögbýlum - reynsla og upplifun þátttakenda (COST-verkefni)	Sigríður Júlía Brynleifsdóttir og Arnór Snorrason, Skógræktinni
9.55-10.10	Viðarmagnsspá fyrir Vesturland	Ellert Arnar Marísson, Skógræktinni
10.15-10.50	Kaffihlé og veggspjaldakynning
10.50-11.05	Foreldragreiningar á íslenskum lerkiblendingum	Sæmundur Sveinsson, Matís og Brynjar Skúlason, Skógræktinni
11.10-11.25	Áhrif skjóls á vöxt birkis	Hallur Björgvinsson, Skógræktinni
11.30-11.45	Áhrif tegundablöndunar á lifun, vöxt og kolefnisbindingu: 15 ára niðurstöður	Jón Hilmar Kristjánsson o.fl., LbhÍ
11.50-12.00	Aðferðafræði við mat á kolefnisforða í skógum einkaaðila	Gústaf Jarl Viðarsson o.fl., LbhÍ
13.05-13.20	Áhrif loftslagsbreytinga á vöxt trjáa	Edda Sigurdís Oddsdóttir, Skógræktinni
13.25-13.40	Áhrif jarðvegshlýnunar á magn, vaxtarhraða og líftíma róta grenis	Páll Sigurðsson, LbhÍ
14.05-14.15	Samantekt og ráðstefnuslit

Skráning á Fagráðstefnu skógræktar 2020

Undirbúningsnefnd Fagráðstefnu 2020

Bjarni D. Sigurðsson Landbúnaðarháskóla Íslands (bjarni@lbhi.is)
Brynja Hrafnkelsdóttir Skógfræðingafélagi Íslands (brynja@skogur.is)
Jón Ásgeir Jónsson Skógræktarfélagi Íslands
Hlynur G. Sigurðsson Landssamtökum skógareigenda
Sigríður Ingvarsdóttir Nýsköpunarmiðstöð Íslands
Hreinn Óskarsson Skógræktinni
Björn Bjarndal Jónsson Skógræktinni
Harpa Dís Harðardóttir Skógræktinni
Ólafur Eggertsson Skógræktinni

Frétt á vef: Pétur Halldórsson