Ný íslensk kvikmynd um skóga og skógrækt

Skjámynd úr stiklu kvikmyndarinnar

Milli fjalls og fjöru er titill nýrrar kvikmyndar Ásdísar Thoroddsen sem verður frumsýnd í Bíó Paradís í Reykjavík fimmtudaginn 21. október. Þar er sagt frá skógum á Íslandi og rakin saga skógeyðingar og skógræktar á Íslandi.

Í myndinni er m.a. rætt við vísindafólk, skógræktarfólk og bændur og í kynningu segir að hér komi fyrir almenningssjónir fræðileg kvikmynd með ljóðrænu ívafi. Fræðslunni sé beint að áhugafólki um land og sögu, landgræðslu og skógrækt, lærðum sem leikum.

Nánar á vef bíósins

Texti: Pétur Halldórsson