Frumskógurinn í Białowieża

Elstu heimildir um einhvers konar friðun í skóginum eru frá því fyrir miðja 15. öld þegar kóngar og keisarar settu skorður við hefðbundnum skógarnytjum þess tíma vegna veiðihagsmuna sinna. Einkum voru vísundar  verðmæt veiðidýr á þessum tíma enda voru vísindahjarðir orðnar afar sjaldséðar annars staðar. Síðan hefur skógurinn lengst af gegnt hlutverki konunglegra veiðilendna þótt sú saga sé ekki með öllu samfelld enda stjórnmálasagan róstusöm á þessum slóðum.

Frá 1921 hefur hluti skógarins (kjarnasvæði) verið algerlega friðað fyrir athöfnum manna og hvorki átt við skóginn þar né það sem í honum býr.

Frá því 2014 hafa 1.420 km² skógarins verið á heimsminjaskrá Sameinuð þjóðanna (í Póllandi og Hvíta rússlandi) en innan pólska hlutans er m.a. Þjóðgarður 152 km.²

Innan þjóðgarðsins eru um 4.800 hektarar algerlega friðaðir og enginn fær svo mikið sem drepa þar niður fæti nema í fylgd þjóðgarðsvarða.

14 Íslendingar eyddu einum degi í þessu musteri náttúrunnar í síðustu viku og gengu þar í fylgd þjóðgarðsvarða og upplifðu fjölbreytt skógvistkerfið. Yfirhæð barrtrjáa er liðlega 40m en lauftrjáa uþb. 10 m. lægri.

Á hverjum hektara eru um 520m³ viðar en þar af eru 120m³ dauður viður.