Átta sækja um starf landgræðslustjóra

Kjötmjöli dreift til uppgræðslu lands í Þjórsárdal á vegum Hekluskóga sem eru samstarfsverkefni Skógræktar ríkisins, Landgræðslu ríkisins og fleiri.

Átta umsækjendur eru um embætti landgræðslustjóra, en umhverfis- og auðlindaráðuneytið auglýsti embættið laust til umsóknar þann 5. mars síðastliðinn. Þetta kemur fram á vef umhverfis- og auðlindaráðuneytisins í dag.

Umsækjendur eru:

• Anna Guðrún Þórhallsdóttir, prófessor hjá Landbúnaðarháskóla Íslands

• Árni Bragason, forstjóri NordGen

• Benedikt Arnórsson, bóndi

• Eydís Líndal Finnbogadóttir, forstöðumaður sviðs miðlunar og grunngerðar hjá Landmælingum Íslands

• Guðmundur Stefánsson, sviðsstjóri á landverndarsviði hjá Landgræðslu ríkisins

• Rannveig Anna Guicharnaud, jarðvegsfræðingur hjá Resource and Climate Consultancy

• Rodrigo Ademar Martinez Catala, Environmental Educator hjá Camping La Belvedere

• Þórunn Pétursdóttir, landgræðsluvistfræðingur hjá Landgræðslu ríkisins

Umsóknarfrestur var til 20. mars sl. og mun valnefnd meta hæfni og hæfi umsækjenda og skila greinargerð til umhverfis- og auðlindaráðherra sem skipar í stöðuna til fimm ára að ráðningarferli loknu.

Fréttin á vef ráðuneytisins