Fréttir og pistlar

Ýmis merkileg skógræktarverkefni hafa litið dagsins ljós í gegnum tíðina. Margt hugsjónafólk hefur látið til sín taka í stórhuga áætlunum með oftar en ekki prýðilegum árangri. Sum verkefni hafa þó fallið í það er virðist gleymskunnar dá. Dæmi um slíkt verkefni voru Rokkskógar Íslands. Þá sameinuðust popparar landsins til að safna fé til skógræktar og landgræðslu. Rokkskógar á Íslandi hafa þó látið bíða eftir sér.

Félag skógareigenda á Suðurlandi (FsS) boðar í samstarfi við Skógræktina til opinna funda um skóg- og skjólbeltarækt dagana 4. og 5. október.

Á ráðstefnu, sem haldin verður 5.-7. október í tengslum við lokafund norræna CAR-ES rannsóknarsamstarfsins, verður fjallað um ýmis málefni sem snerta skógrækt og skógarumhirðu í tengslum við kolefnisbindingu, virka líffjölbreytni, vatns- og jarðvegsgæði. Ráðstefnan fer fram á Hótel Hallormsstað og einnig í fjarfundi. Þátttaka er öllum heimil.

Nemendur þriðja bekkjar Egilsstaðaskóla fóru á degi íslenskrar náttúru 16. september og söfnuðu birkifræjum. Þar með tóku þau þátt í átaki Landgræðslunnar og Skógræktarinnar að breiða út birkiskóga á Íslandi og hvetja fólk til að leggja sitt af mörkum. Fræinu verður dreift á Egilsstaðahálsi.

Nánast hvert mannsbarn á Íslandi hefur tekið þátt í að planta tré og vel flest ungmenni unnið að skógræktarverkefnum á einn eða annan hátt gegnum skóla eða félagsstarf. Skógarmenning er að færast í aukana á landinu en meðalaldur í skógræktarhreyfingunni er hins vegar að hækka. Viðbrögð við þessu er stofnun Ungviðar, ungmennaarms skógræktarfélaganna. Þar situr í stjórn Elisabeth Bernard mannfræðingur sem gert hefur úttekt á stöðu skógræktarfélaganna í landinu.