Fréttir og pistlar

Fimm verkefni í skógum Skógræktar ríkisins á Suðurlandi hljóta styrki úr Framkvæmdasjóði ferðamannastaða á þessu ári. Lagfærðir verða göngustígar við Systrafoss á Kirkjubæjarklaustri, áningarstaður í Haukadalsskógi lagfærður, komið upp salernisaðstöðu við Hjálparfoss og unnið að viðhaldi og merkingum gönguleiða á Þórsmerkursvæðinu.

Fyrirtækið Selskógar ehf í Stapaseli í Stafholtstungum hefur ákveðið að flytja inn frá Kína heilan gám af vindbrjótum sem veitt geta skjól í margs konar ræktun, meðal annars í skógrækt. Ábúendur í Stapaseli ætla sjálfir að nýta vindbrjótana við skógrækt sína, til dæmis við ræktun þins til jólatrjáa. Frá þessu er sagt í héraðsfréttablaðinu Skessuhorni.

Eitt allrasverasta tré landsins skemmdist mikið í stórviðri sem gekk yfir Hallormsstaðaskóg í síðustu viku. Tréð er ríflega aldargamall fjallaþinur. Það var þrístofna og mjög vinsælt klifurtré meðal ungra gesta í trjásafninu í Mörkinni Hallormsstað. Fleiri tré brotnuðu í safninu og úti í skógi en öll eiga það sammerkt að vera tví- eða þrístofna sem gerir þau veikari fyrir hvassviðrum.

Guðríður Baldvinsdóttir, sauðfjárbóndi, skógfræðingur og meistaranemi við LbhÍ, segist lengi hafa beðið eftir því að einhver réðist í það verkefni að rannsaka sauðfjárbeit í skógi. Að lokum hafi hún gefist upp á að bíða og ákveðið að gera þetta sjálf. Hún greinir frá verkefninu í viðtali við Bændablaðið í dag. Frumniðurstöður hennar eru að sauðfé sækist ekki eftir því að bíta lerki.

Mörg hundruð hektarar lands hafa verið ræktaðir varanlega upp á Suðurlandi með hjálp kjötmjöls. Kjötmjölið dugar mjög vel á allraverstu rofsvæðunum og áburðaráhrif þess endast mun lengur en af tilbúnum áburði. Hreinn Óskarsson, skógarvörður á Suðurlandi, skrifar grein um þetta efni í Bændablaðið sem kemur út í dag. Þar hvetur hann sláturleyfishafa til að sameinast um að senda sláturúrgang til kjötmjölsframleiðslu í þstað þess að urða hann eða brenna