Greni og þinur

Greni og þinur

Flokkunarkerfi fyrir íslensk jólatré - greni og þinur

Trén eru flokkuð í tvo flokka:

  • A-flokkur (úrvals)
  • B-flokkur (þokkalegt)

Tré sem ekki falla undir þessa tvo flokka falla undir greinar og skreytingaefni.

A-flokkur fyrir greni og þin

Hæð

Mælist frá stofnendanum - leggurinn nær þangað upp sem grein frá efsta greinakransi nær (Mynd 1). Stærðarflokkar með 25 cm millibili, nema á minnstu trjánum og trjám stærri en 200 cm.

Mynd 1. Hæðarmæling á jólatré.

Hæðargreining:

  • 70/100 cm
  • 100/125 cm
  • 125/150 cm
  • 150/175 cm
  • 175/200 cm
  • 200/250 cm
  • 250/300 cm

Leggur

Greinalaus u.þ.b. 20 cm (Mynd 1).

Litur

Tréð á að vera frísklegt, heilbrigt og hafa einsleitan lit sem einkennir viðkomandi tegund.

Form

  • Breidd trésins á að vera 60-75% af hæð í hlutfalli hæðar og breiddar.
  • Tréð þarf að vera samhverft og greinarnar jafndreifðar í kringum stofninn.
  • Hver greinakrans á að vera með að minnsta kosti fjórar greinar af svipaðri lengd.
  • Stofn trésins þarf að vera beinn, með einn topp af sæmilegri lengd.  

Mynd 2. Uppbygging samhverfs jólatrés.
Jafnt bil milli greinakransa hámark, 30 cm.

Þéttleiki

Greinakransar eiga að vera jafnt dreifðir á tréð. Það eiga að vera nógu margar milligreinar milli greinakransa til að tryggja að tréð sé jafnþétt (Mynd 2). Bil milli greinakransa má ekki vera meira en 30 cm (Mynd 2).

  • Tré milli 100 og 150 cm á að hafa a.m.k. 4 greinakransa.
  • Tré milli 150 og 200 cm á að hafa a.m.k. 5 greinakransa.
  • Tré milli 200 og 300 cm á að hafa a.m.k. 6 greinakransa.

Skemmdir

Á tré má vera að hámarki einn minniháttar galli ef það skemmir ekki heildarútlitið og tréð er frísklegt, heilbrigt og með góðan lit.

  • Ekki mega vera dauðar eða brotnar greinar.
  • Ekki má vera gras, mosi, mold eða skemmdur börkur.
  • Barrið á að vera jafnt dreift og full þroskað.
  • Barrið má ekki bera merki eftir skordýr.
  • Formun og klipping á söluári skilgreinist sem galli.
  • Tréð má ekki liggja úti á foldinni meira en 15 daga eftir högg.  


B-flokkur fyrir greni og þin

Hæð

Tré í B-flokki eru flokkuð með 50 cm millibili.

  • 100-150 cm
  • 150-200 cm
  • 200-250 cm

Litur

Tré sem er mislitt eða breytilegt á litinn vegna streitu, veikinda, næringarskorts, veðurfarsáhrifa eða annars.

Form

  • Breidd trésins er minni en 60% eða meira en 75% í hlutfalli hæðar og breiddar.
  • Tré þar sem stofninn er ekki í miðju trésins.
  • Tré með stuttan, beygðan eða á annað hátt gallaðan topp.
  • Tréð er ekki samhverft og greinarnar ekki jafndreifðar í kringum stofninn.

Þéttleiki

  • Tréð er opið og hefur færri milligreinar en æskilegt er.
  • Tré milli 100/150 cm hefur bara 3 greinakransa.
  • Tré milli 150/200 cm hefur bara 4 greinakransa.
  • Tré milli 200/300 cm hefur bara 5 greinakransa.

Skemmdir

Auk framangreindra galla mega tré hafa svipaða galla eins og tré í A-flokki en trén verða að líta sæmilega út.

  • Ekki mega vera dauðar eða brotnar greinar.
  • Ekki má vera gras, mosi, mold eða skemmdur börkur.
  • Barrið á að vera jafnt dreift og fullþroskað.
  • Barrið má ekki bera merkir eftir skordýr.
  • Formun og klipping á söluári skilgreinist sem galli.
  • Tréð má ekki liggja úti á foldinni lengur en 15 daga eftir högg.

Ítarefni