Útgáfa
Skógrækt ríkisins hefur gefið út ýmis konar fræðslu- og fræðiefni. Má nefna veglegt ársrit sem stofnunin gefur út, Mógilsárfréttir, leiðbeiningar um skipulagsmál, sveppahandbók o.fl. Hér er einnig að finna ársskýrslur skógarvarða um allt land, frá upphafi.
Lesið í skóginn
Í allnokkur ár hefur Skógrækt ríkisins staðið að þróunarverkefninu Lesið í skóginn. Í verkefninu er áhersla lögð á að læra um skóginn, skoða hann, fjölbreyttum hliðum hans kynnst og tækifæri til nytja og upplifunar í skólastarfi og fyrir almenning skoðuð.V erkefnið skiptist í tvo hluta: Annars vegar er um að ræða námskeiðin Lesið í skóginn - tálgað í tré sem eru almenn námskeið um samþætt verkefni í ferskum skógarnytjum, skógarhirðu og tálgutækni. Hins vegar Lesið í skóginn með skólum sem miða að því að þróa verkefni í samþættu útinámi sem tengjast öllum námsgreinum í skólastarfi.
