Viðburðir

31.03.2017 - 01.04.2017 Atburðir

Tálgun I - ferskar viðarnytjar  

Námskeið á Reykjum í Ölfusi 31. mars - 1. apríl

Snagar Námskeið sem hefur þróast upp úr námskeiðinu Lesið í skóginn tálgað í tré sem hefur verið kennt frá árinu 2001 og notið mikilla vinsælda.

Námskeiðið er öllum opið. Það hentar t.d; kennurum, sumarbústaðafólki, skógareigendum, skógræktarfólki, ömmum, öfum og öðrum er vilja læra hvernig hægt er að nota ferskan við úr skóginum, garðinum eða sumarbústaðarlandinu.

Á námskeiðinu ...

  • lærir þú öruggu hnífsbrögðin sem auka afköst og öryggi í tálgun með hníf og exi
  • kynnist ýmsum íslenskum viðartegundum, eiginleikum þeirra og nýtingarmöguleikum
  • lærir að tálga nytjahluti og skrautmuni úr efni sem almennt er kallað “garðaúrgangur
  • lærir að grisja tré og hvar má finna efni í einstök tálguverkefni
  • lærir að umgangast og hirða bitáhöld í ferskum viðarnytjum, hnífa, klippur, exi og sagir
  • lærir að fullgera tálguhluti, þurrka, pússa og bera á
  • lærir að lesa í skógarefnið út frá útliti, eiginleikum og notagildi gripanna
  • lærir að skefta, búa til sleif, fugl, bolla, snaga eða það sem hugur þinn og geta leyfir

Allt efni og áhöld eru til staðar á námskeiðinu. Verið í vinnufatnaði þegar þið komið eða takið með ykkur svuntu og fatnað eftir veðri vegna skógarferðar. Hægt verður að kaupa tálguhníf á námskeiðinu fyrir þá er vilja

Kennari: Ólafur Oddsson fræðslufulltrúi Skógræktarinnar og verkefnisstjóri Lesið í skóginn.

Tími: Fös. 31. mars, kl. 16:00-19:00 og lau. 1. apríl, kl. 9:00-16:00 (14 kennslustundir) hjá Landbúnaðarháskóla Íslands, Reykjum, Ölfusi.

Verð: 26.000 kr. (Kaffi, hádegismatur og efni innifalin í verði)

Skráningafrestur er til 22. mars.