Fréttir

07.12.2009

Grisjunarútboð: Haukadalur og Þjórsárdalur

  • Haukadalur
    (mynd: Hreinn Óskarsson)

Skógrækt ríkisins óskar eftir tilboðum í grisjun í Haukadalsskógi í Biskupstungum og Þjórsárdalsskógi í Skeiða- og Gnúpverjahreppi. Um er að ræða tvo aðskilda reiti í hvorum skógi. Í Þjórsárdal er um að ræða reit af sitkagreni sem er 2,92 ha og blandreit með rauðgreni og sitkagreni 1,56 ha. Í Haukadal er um að ræða tvo blandreiti í mýrinni austan Haukadalskirkju og er stærð þeirra 1,69 og 1,04 ha. Nánari upplýsingar um reiti er að finna hér að neðan, í meðfylgjandi excelskjölum og kortmyndum. Tilboð skulu vera sundurliðuð eftir reitum. Heimilt er að bjóða í útkeyrslu viðar með vagni úr reitunum. Tilboðum í grisjun og útkeyrslu skal haldið aðskildum. Heimilt er að skila inn frávikstilboðum.

Tilboðum skal skila á skrifstofu Skógræktar ríkisins í Gunnarsholti, 851 Hella eða senda í tölvupósti á netfangið hreinn[hjá]skogur.is fyrir 18.desember 2009 kl. 10:00. Tilboð verða opnuð á sama stað 18. desember kl. 11.00.  Ekki eru gefnar upplýsingar um útboðið í síma en hægt er að óska eftir skýringum á útboðsgögnum með því að senda tölvupóst á hreinn[hjá]skogur.is eða runar[hjá]skogur.is.

Skógrækt ríkisins áskilur sér rétt til að taka tilboðum að hluta eða í heild eða hafna öllum.


Nánari upplýsingar hér að neðan: 

Reita- og verklýsing

Yfirlitskort af Haukadal

Áætluð grisjun í Haukadal á fyrri hluta árs 2010

Yfirlitskort af Þjórsárdal

Áætluð grisjun í Þjórsárdal á fyrri hluta árs 2010





banner1