Fréttir

12.08.2014

Aðalfundur Skógræktarfélags Íslands

Skagamenn gestgjafar að þessu sinni

  • skograektarf_isl_logo

Framtíðarsýn Elkem á Íslandi og eplarækt á Akranesi er meðal umræðuefna á aðalfundi Skógræktarfélags Íslands sem haldinn verður á Akranesi 15.-17. ágúst. Gestgjafar fundarins eru Skógræktarfélag Akraness og Skógræktarfélag Skilmannahrepps og verður fundurinn haldinn í Fjölbrautaskóla Vesturlands, Vogabraut 5.

Fundurinn hefst kl. 10 á föstudagsmorgun með ávörpum og þar tekur meðal annars til máls Sigurður Ingi Jóhannsson, umhverfis- og auðlindaráðherra. Flutt verður skýrsla stjórnar, farið yfir reikninga og flutt skýrsla Landgræðslusjóðs auk þes sem skipað verður í nefndir. Síðdegis verður fjallað um eplarækt og þar er að sjálfsögðu á ferð Jón Guðmundsson, einn fremsti eplaræktandi landsins, sem flytur erindi og sýnir svo fundargestum eplarækt sína í skoðunarferð um Akranes. Þar verður einnig komið við í skógarreitum Skógræktarfélags Akraness í Slögu og Garðalundi. Á laugardagsmorgun verða flutt nokkur fræðsluerindi, meðal annars rætt um framtíðarsýn Elkem á Íslandi og samstarf skógargeirans við fyrirtækið en líka um jólatrjáarækt svo eitthvað sé nefnt. Eftir hádegi verður farið í skoðunarferð og dagurinn endar með hátíðarkvöldverði og -dagskrá í Fjölbrautaskóla Vesturlands. Aðalfundinum lýkur svo á sunnudag með afgreiðslu tillagna og reikninga ásamt kosningu í stjórn. 

Dagskrá aðalfundar Skógræktarfélags Íslands á Akranesi er annars sem hér segir:
 

Föstudagur 15. ágúst

  • 9:30 Afhending fundargagna
  • 10:00 Fundarsetning og ávörp
    Magnús Gunnarsson, formaður Skógræktarfélags Íslands
    Sigurður Ingi Jóhannsson, umhverfis- og auðlindaráðherra
    Jens B Baldursson, formaður Skógræktarfélags Akraness
    Jón Loftsson skógræktarstjóri
    Ólafur Adolfsson, bæjarfulltrúi Akraness
  • 10:45 Skýrsla stjórnar Skógræktarfélags Íslands – Magnús Gunnarsson og Brynjólfur Jónsson
    Reikningar Skógræktarfélags Íslands – Brynjólfur Jónsson
    Skýrsla Landgræðslusjóðs – Guðbrandur Brynjúlfsson
    Fyrirspurnir um skýrslu stjórnar
  • 11:45 Skipað í nefndir. Tillögur lagðar fram og kynntar
  • 12:00 Um AkranesHannibal Hauksson ferðamálafulltrúi
  • 12:15 Hádegisverður
  • 13:15 Nefndastörf
  • 15:00 Erindi – Eplarækt á AkranesiJón Guðmundsson
  • 15:20 Kaffi
  • 15:45 Skoðunarferð um Akranes
    Eplaræktin hans Jóns heimsótt
    Slaga og Garðalundur
  • 19:30 Skoðunarferð lýkur við Fjölbrautaskólann

Laugardagur 16. ágúst

  • 9:10 Fræðsluerindi
    Hverfi og skógrækt í nútíð og framtíð á Akranesi og í Hvalfjarðarsveit
    – Jens B. Baldursson og Bjarni O.V. Þóroddsson
    Framtíðarsýn Elkem á Íslandi og gildi – Þorsteinn Hannesson
    Samstarf Skógræktar ríkisins og Elkem á Íslandi – Þorbergur Hjalti Jónsson
    Skaðvaldar í skógi – Halldór Sverrisson og Guðmundur Halldórsson
    Jólatrjáaræktun á Íslandi. Hvernig má bæta gæði og magn jólatrjáa hjá skógræktarfélögunum – 
    Else Möller
  • 11:00 Fyrirspurnir og umræður
  • 11:30 Um Hvalfjarðarsveit – Arnheiður Hjörleifsdóttir, varaoddviti
  • 12:00 Hádegisverður
  • 13:30 Skoðunarferð
  • 17:00 Komið úr skoðunarferð að Fjölbrautaskóla Vesturlands
  • 19:30 Fordrykkur í Fjölbrautaskólanum
  • 20:00 Hátíðarkvöldverður í Fjölbrautaskóla Vesturlands
    Hátíðardagskrá í boði Skógræktarfélags Akraness og Skilmannahrepps
    Heiðranir
    Dans fram eftir kvöldi

Sunnudagur 17. ágúst

  • 10:00 Afgreiðsla reikninga
  • 10:15 Afgreiðsla tillagna
  • 11:00 Almennar umræður
  • 12:00 Kosning stjórnar
  • 13:00 Fundarlok

Fundargögn:

Kjörbréf (.doc)

Dagskrá (.pdf)

Starfsskýrsla 2013-2014 (.pdf)

Framkvæmdir á skógræktarsvæði Skógræktarfélags Akraness
í Slögu í byrjun ágúst 2014




banner5