Fréttir
Aukin eftirspurn eftir innlendu hjallaefni
Síðustu vikur hefur eftirspurn eftir innlendu hjallaefni aukist. Helsta skýring á þessari aukningu nú er að fiskihjallar á sunnanverðu landinu hafa skemmst í stórviðrum vetrarins. Fiskihjallarnir eru byggðir upp með stoðum, ásum og spírum. Starfsmenn Suðurlandsdeildar Skógræktar ríkisins hafa unnið síðustu daga að því að finna til og flokka efni til sölu.
Á meðfylgjandi myndum úr Þjórsárdal er verið að finna til spírur sem eiga að fara út á Reykjanes. Á myndinni má sjá starfsmenn í Þjórsárdal þá Christoph skógfræðinema frá Frakklandi, Ingvar og Lukasz skógarhöggsmenn, ásamt Jóhannesi aðstoðarskógarverði.
