Fallegur vetrardagur á Hallormsstað

Fádæma fallegt veður var á Hallormsstað í dag. Eins og sjá má á eftirfarandi myndum er lítill snjór í skóginum. Göngufæri er gott um trjásafnið og nálæg svæði og upplagt að nota góðviðrisdaga til að bregða sér í heilsubótargöngu um skóginn í góðu veðri. Vel hefur gengið að grisja undanfarið, eins og sjá má á gríðarmiklum stæðum á nokkrum stöðum í skóginum.