Fréttir

24.05.2017 : Sumarið fer vel af stað í Hekluskógum

Birki blómgast sem aldrei fyrr í Hekluskógum og má búast við miklu fræi í haust ef það nær að þroskast. Frá þessu segir í nýrri frétt á vef Hekluskóga. Vel hafi gengið að gróðursetja og landeigendur og verktakar unnið hörðum höndum að gróðursetningu víða um svæðið enda skilyrði til gróðursetningar með besta móti og jörð frostlaus langt inn til fjalla.

Lesa meira

24.05.2017 : Tré á landi, fiskur í sjó

Umfangsmikil skógrækt er stunduð í heiminum í því augnamiði að vernda vatnsauðlindir. Skógivaxin vatnasvið og votlendissvæði eru uppspretta þriggja fjórðu alls ferskvatns á jörðinni. En hvað kemur það Íslendingum við?

Lesa meira

24.05.2017 : Trén leggja á flótta undan hlýnandi loftslagi

Ný rannsókn á samfélagi trjáa í norðausturhluta Bandaríkjanna hefur vakið athygli vistfræðinga. Skógarþekjan hefur undanfarna þrjá áratugi verið að þoka sér vestur á bóginn, að talið er vegna loftslagsbreytinga. Þessi stefna skógarins er þó að stærstum hluta þvert á það sem vistfræðingar töldu að myndi gerast. Um þetta er fjallað í nýútkomnu tölublaði Bændablaðsins.

Lesa meira

22.05.2017 : „Ég held að þetta verði mjög fallegt sumar“

„Það hefur orðið mikill samdráttur í ræktun á skógum. Eftir hrunið varð mikill samdráttur og það hefur ekki komið aftur.“ Á þetta benti Katrín Ásgrímsdóttir í Sólskógum í mjög góðri umfjöllun Landans í Sjónvarpinu í gær. Katrín á von á mjög fallegu sumri eftir góðan vetur.

Lesa meira

22.05.2017 : „Eiginleikar íslensks trjáviðar, þéttleiki og ending“

Miðvikudaginn 24. maí ver Sævar Hreiðarsson meistararitgerð sína, „Eiginleikar íslensks trjáviðar, þéttleiki og ending“. Þetta er meistaraverkefni í skógfræði frá auðlinda- og umhverfisdeild Landbúnaðarháskóla Íslands. Athöfnin hefst kl. 13:00 og fer fram í Ásgarði, aðalbyggingu LbhÍ á Hvanneyri. Allir eru velkomnir.

Lesa meira

18.05.2017 : Dúx í skógtækni

Lars Nielsen, skógarhöggsmaður við starfstöð Skógræktarinnar á Vöglum í Fnjóskadal, brautskráðist formlega 9. maí sem skógtæknir frá Skovskolen í Danmörku. Hann fékk hæstu einkunn af félögum sínum og var sá eini sem náði að selja lokaverkefni sitt enda var það kosið besta verkefnið á útskriftardaginn. f

Lesa meira

17.05.2017 : Gróðursett óvenjusnemma í Fnjóskadal

Starfsfólk í starfstöð Skógræktarinnar á Vöglum í Fnjóskadal hóf á mánudag gróðursetningu í jarðunnið land á Hálsmelum norðan Vaglaskógar. Skógarvörðurinn á Norðurlandi telur óhætt að fullyrða að gróðursetning hafi aldrei fyrr hafist svo snemma á þeim slóðum.

Lesa meira

16.05.2017 : Skógarfuglar éta úr lófa

Hrafn Óskarsson og Lucile Delfosse, sem bæði vinna í starfstöð Skógræktarinnar á Tumastöðum í Fljótshlíð, hafa hænt að sér auðnutittlinga með fóðurgjöfum. Þeir huguðustu setjast í lófa þeirra og ná sér í sólblómafræ. Kvenfuglarnir eru frakkari en karlfuglarnir. Allt er nú orðið grænt í Fljótshlíðinni og útlit fyrir mikla blómgun á ýmsum tegundum, ekki síst sitkagreni.

Lesa meira



banner2