Norðurland
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)
  • Skuggabjörg
    Skuggabjörg
    (mynd: Sigurður Skúlason)

Mela- og Skuggabjargaskógur

Meðal stærstu og mestu birkiskóga landsins.

Amennt um skóginn

Mela- og Skuggabjargarskógur er meðal stærstu og mestu birkiskóga landsins. Þar er birkið síst lakara en í hinum gömlu „höfuðskógum Íslands“, Hallormsstaðaskógi, Vaglaskógi og Bæjarstaðaskógi.

Staðsetning og aðgengi

Þeir sem eiga leið á milli Eyjafjarðar og Þingeyjarsýslu, vilja njóta landslagsins og eru ekki að flýta sér um of geta farið um Dalsmynni neðan Fnjóskadals. Þar handan við Fnjóská frá þjóðveginum blasir við að á alllöngum kafla einn af stórskógum Íslands; Mela- og Skuggabjargarskógur.

Jeppafær vegur liggur að Mela- og Skuggabjargaskógi til norðurs frá þjóðvegi nr. 1, vestan Fnjóskár, skammt neðan Víkurskarðs og fram hjá Draflastöðum. Hann er ekki vel merktur en ekki er um marga akvegi að ræða á þessu svæði og því erfitt að villast. Það er svolítið ævintýri að komast að skóginum en vel þess virði.

Aðstaða og afþreying

Engin sérstök aðstaða er til útivistar í skóginum. Víða er þó þægilegt að ganga um hann vegna þess hve stórvaxinn hann er.

Saga skógarins

Skógrækt ríkisins eignaðist jörðina Skuggabjörg og hluta jarðarinnar Mela árið 1948, en þær voru þá báðar komnar í eyði. Skógurinn var síðan friðaður fyrir beit. Þessar jarðir fóru svo snemma í eyði að á þem voru aldrei reist steinsteypt hús. Þar eru því eingöngu rústir torfbæja og tún sem aldrei voru unnin á nútímamáta. Að sama skapi er langt liðið síðan skógurinn var nýttur að ráði og því hefur hann þróast sem náttúruskógur. Hægt er að ímynda sér að svona hafi landið litið út við landnám.

Trjárækt í skóginum

Á skóglausu svæði í kringum gamla bæjarstæðið á Skuggabjörgum var gróðursett nokkuð af lerki, furu og greni um og eftir 1985. Annars er skógurinn stórvaxinn, náttúrlegur birkiskógur sem hefur þróast lítt snortinn í u.þ.b. 60 ár. Birkið er síst lágvaxnara en í Vaglaskógi og mikið um hvítstofna tré. Skógurinn er hreint út sagt einhver glæsilegasti birkiskógur landsins.

Annað áhugavert í skóginum

Fnjóská liðast um fyrir neðan skóginn. Í skóginum er mjög gott berjaland.

Senda grein