Norðurland
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)
  • Við aðkomuna í Sigríðarstaðaskóg
    Við aðkomuna í Sigríðarstaðaskóg
    (mynd: Esther Ösp Gunnarsdóttir)
  • Við Sigríðarstaðaskóg
    Við Sigríðarstaðaskóg
    (mynd: Esther Ösp Gunnarsdóttir)
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)
  • Í Sigríðarstaðaskógi
    Í Sigríðarstaðaskógi
    (mynd: Esther Ösp Gunnarsdóttir)

Sigríðarstaðaskógur í Ljósavatnsskarði

Nánast ósnortinn náttúruskógur við þjóðveginn.

Amennt um skóginn

Birkiskóglendi í brekku með gróðursettum reitum af furu, greni og lerki.

Staðsetning og aðgengi

Sigríðarstaðaskógur er vestarlega í norðurhlíðum Ljósavatnsskarðs. Aðkoman að skóginum er frá Sigríðarstöðum. Bærinn stendur norðan við þjóðveg nr. 1 um það bil í milju Ljósavatnsskarði. Keyra þarf um hlaðið á bænum og sem leið liggur til vinstri.

Aðstaða og afþreying

Þjónustuslóðir liggja um gróðursettu reitina en ekkert hefur verið gert til að auðvelda fólki för um stærstan hluta birkiskógarins. Hann er því nánast ósnortinn náttúruskógur.

Saga skógarins

Skógræktin keypti Sigríðarstaðaskóg árið 1927 og friðaði hann sama ár. Hafði neðri hluti skógarins verið mikið nýttur til eldiviðarhöggs á árunum þar á undan en efri hlutinn til beitar og skógurinn ekki í góðu ástandi þegar Skógræktin tók við honum. Tíu árum seinna hafði skógurinn náð sér að því marki að aftur var hægt að stunda takmarkað eldiviðarhögg. Síðan hafa af og til verið takmarkaðar viðarnytjar af skóginum en nú er komið að umtalsverðri grisjun í gróðursettu reitunum.

Trjárækt í skóginum

Þegar Skógræktarfélag Suður-Þingeyinga var stofnað 1943 fékk það afnot af hluta Sigríðarstaðaskógar og gróðursetti þar nokkuð um og eftir 1950 en flutti starfsemi sína svo yfir í Fossselsskóg. Um svipað leyti hóf Skógrækt ríkisins að gróðursetja í suðvestur horn skógarins. Alls var gróðursett í um 20 hektara innan skógarins fram til 1990 en ekkert síðan. Flatarmál skógarins er alls 125 ha, þar af um 105 ha birkiskógur.

Annað áhugavert í skóginum

Bratti hlíðarinnar eykst eftir því sem ofar dregur og því fara færri þangað. Þar er því að finna algjörlega ósnortinn birkiskóg.

Senda grein