Norðurland
  • Vaglir á Þelamörk
  • Vaglir á Þelamörk
  • Vaglir á Þelamörk
  • Vaglir á Þelamörk
  • Vaglir á Þelamörk
  • Vaglir á Þelamörk
  • valir-a-thelamork

Vaglir á Þelamörk

Framtíðarútivistarskógur í nágrenni Akureyrar.

Amennt um skóginn

Að mestu ræktaður skógur við þjóðveg nr. 1 skammt frá Akureyri. Til stendur að bæta skóginn verulega m.t.t. útivistar á komandi árum.

Staðsetning og aðgengi

Vaglir á Þelamörg eru við þjóðveg nr. 1, um 10 km norðan Akureyrar. Skógurinn er fyrir ofan veg og er aðkoma að honum austast (næst Akureyri). Brunnsvæði vatnsveitu Akureyrar er á Hörgáreyrum fyrir neðan skóginn.

Aðstaða og afþreying

Þjónustuslóðir liggja um skóginn og hægt er að ganga eftir þeim. Bílastæði er frumstætt og lítið og ekkert annað hefur enn verið gert fyrir ferðalanga. Það stendur þó til bóta.

Saga sagarinnar

Um 1930 uppgötvaði Jónas Þór, forstjóri Gefjunar á Akureyri, nokkra jarðlæga birkianga í móa á Vöglum á Þelamörk þegar hann var þar í berjamó. Þetta þótti merkilegt því í öllum Eyjafirði vestanverðum var hvergi að finna birki nema innst inni í Leyningshólum. Hafði hann, ásamt Skógræktarfélagi Eyjafjarðar, forgöngu um að fá að girða litla girðingu utan um birkið 1933. Árið 1934 gerði svo Skógræktarfélag Eyjafjarðar samning við landeiganda (ríkið) um leigu á 5 ha spildu til friðunar en Skógræktin tók við þeim samningi 1936 að beiðni Skógræktarfélagsins. Girðingin var stækkuð um 50 ha 1972 og árið 1979 fékk Skógrækt ríkisins afhenda jörðina alla. Núverandi skógræktargirðing umlykur 156 hektara.

Trjárækt í skóginum

Sjálfsáð birki og víðir breiddust nokkuð út eftir friðun og þar sem fyrst var friðað er nú allhávaxinn birkiskógur á um 2 hekturum lands.  Gróðursetning hófst 1954 og hefur alls verið gróðursett í tæplega 50 hektara. Um 100 hektarar lands innan girðingar eru enn skóglausir en þar er reyndar birki víða að sá sér nú og mun það svæði að mestu breytast í birkiskóg á komandi áratugum.

Annað áhugavert í skóginum

Gott berjaland er á Vöglum á Þelamörk, bæði ofan skógar innan girðingar og ofan girðingar.

Senda grein