Jórvík í Breiðdal

Amennt um skóginn

Jórvík í Breiðdal er eyðibýli með stórum kjarrlendum. Um 600 ha eru í eigu Skógræktar ríkisins en skógurinn var friðaður 1960. Hér er einn af fáum fundarstöðum blæaspar og eru hæstu tré um 4 m. Landið er annars að mestu vaxið náttúrulegu birkikjarri, en gróðursettum skógi að hluta. Svæðið er opið almenningi, og merkt gönguleið er frá Jórvík yfir í Norðurdal.

Staðsetning og aðgengi

Jórvík er eyðibýli í Suðurdal í Breiðdal, noðan ár undir fjallinu Tó. Jörðin stendur við þjóðveg nr. 1 og skógurinn er því í alfaraleið.

Aðstaða og afþreying

Merkt gönguleið er frá Jórvík yfir í Norðurdal. Að örðu leyti er landið það opið að auðvelt er að fara um það.

Saga skógarins

Árið 1958 var Skógrækt ríkisins gefinn hluti jarðarinnar. Í ársskýrslu Skógræktar ríkisins það ár skrifar Hákon Bjarnason: 

„Á þessu ári barst Skógrækt ríkisins mikil og góð gjöf. Systkinin þau, sem áttu Jórvík í Breiðdal, þau Hannes M. Þórðarson, Björgvin Þórðarson, Bjarni A. Þórðarson og Sigríður Þórðardóttir gáfu nærri allt skóglendi þeirrar jarðar til friðunar og ræktunar. Væntanlega verður lokið við friðun landsins snemma á árinu 1960, svo gróðursetning gæti hafist á því ári."

Þessi hluti jarðarinnar, allur ofan þjóðvegar, var girtur 1960-1961. Girðingin er 8,2 km löng og innan hennar eru 500 ha. Árið 1963 eignaðist Skógræktin svo 1/4 af óskiptu landi jarðarinnar fyrir utan skógargirðuna.

Trjárækt í skóginum

Á þeim árum sem jörðin var gefin var skógræktarland mjög torfengið. Hákon Bjarnason, skógræktarstjóri á þeim tíma, ákvað því að gróðursetja í landið. Gróðursetning hófst árið 1962 og var þá mest gróðursett af blágreni. Auk þess var gróðursett rauðgreni, sitkagreni og hvítgreni. Tveimur árum síðar var aftur gróðursett og í það skiptið hvítgreni, blágreni, broddfuru, gráelri, evrópulerki o.fl. tegundum. Árið 1966 voru þrjár tegundir gróðursettar: rauðgreni, hvítgreni og birki.

Í dag er birkikjarrið í skóginum að mestu lágvaxið og kræklótt en blæöspin er mesta gróðurstolt Jórvíkur ásamt grenireitum sem nú eru komnir í góðan vöxt.

Annað áhugavert í skóginum

Fjallahringurinn í innanverðum Breiðdal er stórkostlegur á björtum degi.