„Þýðing skóga fyrir mannkynið og reyndar allt líf á jörðinni er svo mikil og margslungin að ógjörningur er að telja allt upp.“
Þ.E.
Skógrækt á Íslandi má skipta annars vegar í ríkis- og atvinnutengda skógrækt og hins vegar í skógrækt áhugamanna og félaga. Hér til vinstri má finna ýmsar upplýsingar sem tengjast skógrækt.
Skógræktarverkefni
Skógræktarverkefni sem unnið er að hérlendis er fjölbreytileg. Með tilkomu landshlutaverkefnanna hefur verið skapaður grundvöllur fyrir fólk um allt land sem vill búa áfram á jörðum sínum þrátt fyrir að búskapur standi einn og sér ekki undir rekstri búsins. Landgræðsluskógar er skógræktar- og uppgræðsluverkefni á vegum skógræktarfélaganna í samstarfi við Landgræðslu ríkisins, Skógrækt ríkisins og ráðuneytið. Hugmyndin með Hekluskógaverkefninu var síðan að endurheimta birkiskóga og víðikjarr í nágrenni Heklu.
Félagasamtök
Að skógrækt koma ýmis félagasamtök. Fjölmennust eru þau ríflega sextíu skógræktarfélög sem starfrækt eru um allt land undir hatti Skógræktarfélags Íslands. Auk skógræktarfélaganna ræktar umtalsverður fjöldi bænda um allt land skóga og starfrækja þeir Landssamtök skógareigenda. Að lokum má nefna Skógfræðingafélag Íslands en markmið félagsins er að efla samheldni skógfræðinga í því skyni að bæta aðstöðu þeirra faglega og félagslega.
Lög og reglugerðir
Alþingi hefur sett ýmis lög er varða skógrækt. Auk þeirra verður að huga að reglum um skógrækt við ýmis tilefni, t.a.m. þegar unnið er að skipulagsmálum.
Tenglar
Á vefnum má finna fjöldan allan af áhugaverðu efni sem tengis skógrækt á einn eða anna hátt. Hér vísum við á nokkrar vel valdar vefsíður.
